Navrae Hier
Konferensie-oord in die Wes-Kaap
Grootbos Private Natuurreservaat bied die perfekte plek en geriewe vir konferensies of soortgelyke sakefunksies. Ons maak voorsiening vir konferensiegroepe van 10-60 afgevaardigdes. (Nie-residensiële gaste is uitgesluit)
 
Die rustige omgewing, ver weg van die stad se gewoel, skep die ideale atmosfeer vir skeppende en produktiewe wegbreek-byeenkomste. Die 2 500-hektaar reservaat is knus genestel teen die berghange wat bo Walkerbaai uittroon en bied asemrowende uitsigte oor die Atlantiese Oseaan  tot by die Kaap van Goeie Hoop in die verte.
 
Afgevaardigdes word bederf met weelderige verblyf. Al ons suites spog met twee enkelbeddens, duvets en katoenlinne, terwyl die natuur se geluide snags die liggaam en siel verkwik vir die dag wat voorlê.
 
Danksy ‘n span van 110 personeellede bied Grootbos ‘n wye en aanpasbare diens van hoogstaande gehalte wat alle verwagtinge oortref. Alle maaltye word deur ons top-kokke berei en in die indrukwekkende restaurant bedien waar gaste onbelemmerde uitsigte oor Walkerbaai kan geniet.
 
Met aandete word van die beste Kaapse uitsoekwyne in ‘n gesellige atmosfeer bedien, terwyl ons omvattende kroeg ‘n joviale gees skep vir ontspanne saamkuier ná ‘n dag se harde werk.  
 
Meer besonderhede is beskikbaar by ons banket-afdeling by banqueting@grootbos.co.za.