Navrae Hier
« Terug na Lodges

Die verruklike Forest Lodge is 'n argitektoniese meesterstuk met 'n gesofistikeerde, hedendaagse ontwerp. Die Lodge en 16 luukse wooneenhede is geanker in 'n eeu-oue Melkhoutwoud teen die hange van die Duynefontein-berge en bied asemrowende uitsigte oor Walkerbaai en die Gansbaai-kuslyn.

  • Restaurant
  • Kroeg
  • Telefoon
  • Swembad
  • Televisie
  • Wakker Maak Oproep
  • Perdry Roetes
  • Internet
  • Koffie & Tee
  • Konferensie Fasiliteit

Romantiese Liefdesnessie

Forest Lodge is 'n treffende argitektoniese mengsel van ultra-moderne weelde en die tydlose skoonheid van die natuur. Kunstig geanker in 'n skilderagtige berg- en seelandskap, is dié luukse lodge en 16 vrystaande suites spesiaal ontwerp om die vreedsame rustigheid en prag van die skepping te weerspieël.
 
Hier word jy soggens wakker met die vrolike gekwetter van voëls rondom jou en 'n ongelooflik see-uitsig vanuit die bed op ’n eindelose spierwit strand en wilde, woeste branders wat skuimend teen rotse breek. 'n Hout-sondek en 'n swembad smelt saam met die see op die horison.
 
Die moderne en indrukwekkende hoofgebou huisves 'n elegante restaurant, kroeg, galery en konferensiesentrum. Die lodge is kunstig gegiet in staal en glas om die natuurelemente te beklemtoon en elke vertrek bied onbelemmerde uitsigte oor uitgestrekte veldblom-velde en duine tot by die see. In die imposante Indigo Restaurant dra verskeie houtkaggels en sagte beligting subtiel by tot 'n romantiese atmosfeer vir 'n gastronomiese feesmaal.
 
Die 16 vrystaande suites spruit asof natuurlik voort uit die digte Melkhoutwoude aan weerskante van 'n verruklike wandelpaadjie wat die eenhede met mekaar en die hoofgebou verbind. Die boom-oordekte liefdeslaan skep gekoesterde privaatheid en intimiteit in 'n sprokiesagtige natuurparadys. Elke suite is stylvol gemeubileer om estetiese skoonheid en maksimum-gerief te verseker. Gesellige kaggels, romantiese hemelbeddens en ruim, sonnige badkamers maak dié eenhede 'n perfekte liefdesnessie vir verliefdes en wittebrood-paartjies.
 
Mandjies met vars vrugte elke dag, ondervloerse verhitting en verhitte handdoekrelings is van die ekstra bederfies wat die weelderige ervaring nog meer spesiaal maak.
 
Dit is egter die asemrowende vergesigte - selfs vanaf die bed en badkamer - oor ongerepte fynbosvelde, sand en see wat selfs die mees eksotiese glans en glorie oorskadu.
 
Kom geniet die skouspelagtige sonsondergange oor Walkerbaai vanaf jou private sondek en drink 'n heildronk op die lewe in 'n plek waar die natuur sy eie liefdespel speel.
 

Die weelderige suites

Die weelderige suites bied: 

  • Weergalose uitsigte vanaf alle vertrekke
  • Vars vrugtemandjie daagliks
  • Knus kaggel
  • Lugreëling
  • Buite-stort
  • Ondervloerse verhitting
  • Gratis Wi-Fi
  • Vrystaande suites vir privaatheid
  • DVD-speler en satelliet TV
  • Mini-kroeg

Elke suite het 'n sitkamer met 'n kaggel, slaapkamer(s), en suite badkamer met dubbel-wasbakke, dubbel-storte en/of baddens, verhitte handdoekrelings en haardroërs, private houtdek, tee- en koffiekroegie, kluis vir waardevolle besittings, mini-kroeg met wyn en snoepgoed, DSTV en telefoon. Die lodge bied ook 'n wassery-diens, asook faks-, epos- en posdienste. Kliek hier om 'n vloerplan van die eenslaapkamer-suites te sien.