Romantiese pakket

3 Nagte

Die ervaring

Met asemrowende vergesigte in ‘n afgesonderde ligging in die ongerepte natuur is Grootbos die ideale bestemming om te ontspan en gehaltetyd saam met jou geliefde deur te bring. Die lieflike akkommodasie, rotsagtige kuslyn en onvergeetlike ervarings maak van Grootbos dié romantiese wegbreekplek, wat vir blywende en spesiale herinneringe sal sorg.

Het jy nog idees vir ‘n romantiese verblyf?

Voorskou

Dag 1 - Oorsig

Vier die begin van julle romatiese wegbreek met ‘n verfrissende drankie met ‘n uitsig oor Walkerbaai en geniet dan ‘n heerlike middagete vir twee. Maak ‘n draai in julle suite en gaan dan saam met een van ons gidse na die ongerepte strande van Walkerbaai met eeue oue grotte, diep blou see en dramatiese sandsteen-rotse. Rond die dag af met ‘n uitsonderlike ses-gang aandete en bewonder die ongelooflike sterreprag in die vars naglug.

Ontspan. Leer mekaar opnuut ken. Verken.

Dag 2 - Oorsig

Begin die dag met ‘n rustige ontbyt in die bed en vertrek dan te perd op ‘n avontuur in die Walkerbaai-reservaat met sy lang ongerepte strande. Rus met ‘n piekniek vir twee terwyl julle die verruklike vergesigte geniet. Ontspan daarna met ‘n dekadente vollyf-massering vir julle twee in ons Forest Spa, omring deur ‘n eeue oue Melkhoutbos. Vier julle liefde teen skemer deur ‘n boom op ons reservaat te plant voordat die dag afgesluit word met nog ‘n onvergeetlike ses-gang ete in ons restaurant. 

Ontspan. Leer mekaar opnuut ken. Verken.

Dag 3 - Oorsig

Onderneem ná onbyt ‘n opwindende 4X4-blommesafari op soek na die wonderlike fynbos van die Kaapse blommekoninkryk. Geniet ‘n ligte middagete by Grootbos en hoor meer van ons sosiaal maatskaplike projekte in plaaslike gemeenskappe, waaronder ons kolleges, Green Futures en Growing the Future. Sluit die dag af met ‘n romantiese private ete in ons wynkelder terwyl julle die ambience geniet en allerlei smake en geure beproef. 

Ontspan. Leer mekaar opnuut ken. Verken.

Dag 4 - Oorsig

Geniet ‘n laaste ontbyt in ons restaurant of op die dek en verlaat Grootbos verfris en nader aan jou geliefde, met ‘n verdieping van julle verhouding.

Ontspan. Leer mekaar opnuut ken. Verken.

VERBLYF SLUIT IN

5-STER AKKOMMODASIE IN ALLEENSTAANDE SUITES

Ons luukse akkommodasie laat ons gaste een word met die ongerepte natuurlike omgewing en laat hulle volkome ontspan. Elke alleenstaande suite is uniek, elegant en stylvol en het al die gerief wat ons gaste kan begeer.

6-GANG AANDETE

Die hoofsjef, Ben Conradie, soek al sy bestanddele met die grootste sorg uit en hy weet waar elke enkele deeltjie wat op jou bord beland vandaan kom. Ons sesgang-aandete bevat watertand-geregte wat vir ‘n ongelooflike reis van smaaksensasie sorg.

PERD- EN BERGFIETSRY

Klim in die saal vir ‘n perdry-avontuur deur die fynbos-velde en galop in die vlak water op die strand. Gaan ry op ons bergfietsroetes wat jou deur die reservaat en die vallei oortrek met blomme neem.

ONTBYT-BUFFET & ENGLESE ONTBYT

Begin elke dag met ‘n heilsame en heerlike ontbyt van plaaslike bestanddele. Ons hoofsjef, Benjamin Conradie, staan reg om aan enige smake en vereistes te voldoen.

BEGELEIDE WANDELINGE EN STAPROETES

Ervaar die ongelooflike verskeidenheid van fauna en flora by Grootbos saam met ‘n gids. Ons ingeligte gidse sal jou op ‘n inspirerende reis neem deur hierdie eeue oue en unieke bestemming vol interessante en interaktiewe verhale.

RITTE EN WANDELINGE DEUR DIE NATUUR EN AAN DIE KUS

Verken ons 791 blomspesies oor 2 500 hektaar tydens een van ons 4X4-safari-ritte, of ry al langs ons kuspaaie op soek na een of meer van ons beroemde Groot Vyf van die See.

VERVOER NA/VAN ALLE AKTIWITIETE

Vervoer na/van ingeslote sowel as bykomende aktiwiteite is by die tariewe ingesluit. Vervoer na en van die lughawe kan teen ‘n bykomende tarief voor aankoms gereël word.

3-GANG MIDDAGETE

Ons heerlike drie-gang middagete is net wat jy nodig het voor die avonture wat die middag inhou. Al ons geregte word gemaak van vars bestanddele uit ons tuine of van die omliggende hawens.

Ons tariewe is vol-verblyf en sluit baie van die reserwe-aktiwiteite in. Vind meer uit

Sien Tariewe

OP PAD NA GROOTBOS

Grootbos is 'n ongelooflik pragtige plek, maar die reis hierheen is 'n ervaring uit eie reg. Word oorweldig deur lieflike vergesigte, hou stil by unieke plekke en ervaar die natuurskoon rondom jou.

Geniet die warmte van ons hospitaliteit

Doen Navraag
Doen Navraag