Dag 1 - Oorsig
Arriveer by Grootbos met ‘n goeie aptyt, aangesien jy ‘n heerlike middagete sal geniet terwyl jy die see en berge bewonder. Nadat jy ‘n rukkie in jou suite ontspan het, sal ons vertrek op ‘n uitstappie waartydens ons walvisse van die land af dophou. Die Suidkaper-walvisse sal tot so na as 30 meter van die kus af kom. Drink eers ‘n skemerkelkie op die balkon van ons Whale House en geniet later ‘n onverbeterlike 6-gang aandete wanneer ons terug is by die lodge.
Ervaar 'n see-avontuur
Dag 2 - Oorsig
Staan vroeg op en begroet die dag met ‘n warm drankie en versnapering voordat ons na Kleinbaai-hawe vertrek. Daar sal jy aan boord stap van ‘n luukse boot en die Groot Vyf van die See, walvisse, haaie, pikkewyne, dolfyne en robbe, ervaar. Keer laatoggend terug vir ‘n heerlike ontbyt/middagete. In die middag sal ons die fynbos verken tydens ‘n 4X4-rit onder leiding van passievolle gidse wat jou oë vir die wonders van die blommepardys sal open.
Ervaar 'n see-avontuur
Dag 3 - Oorsig
Ná ‘n stewige ontbyt is dit tyd om Grootwithaaie van naby te ervaar! Voel hoe die bloed deur jou are bruis terwyl jy in ‘n haaihok afsak en nuwe feite leer oor dié roofdiere wat dikwels misverstaan word. Gaan terug lodge toe vir ‘n lekker middagete en ervaar in die middag ‘n vlug van 30 minute lank terwyl jy die wonderbaarlike Suidkaper-walvisse van uit die lug bewonder. Geniet later ‘n heerlike aandete in een van ons restaurante terwyl jy die opwindende dag herleef.
Ervaar 'n see-avontuur
Dag 4 - Oorsig
Gaan saam met een van ons gidse vroegoggend op ‘n wandeling deur die woud terwyl die son deur die bome begin val en jy kleurryke suikerbekkies en die mooiste blomme bekyk en na die geluide van die natuur luister. Geniet daarna vir die laaste keer ontbyt in ons restaurant voordat jy jou tasse pak en Grootbos met ryke herinneringe verlaat.
Ervaar 'n see-avontuur
